Culinaria
Culina Bavaria multiplicior est et cum incolis Bavariae tum hospitibus gratissima est.
Bräustüberl
Pro opificibus sitientibus fabricae cervisiae primo monasterii, postea pro operariis ducis condita caupona nomine "Bräustüberl" iam dudum una notissimarum cauponarum totius Bavariae est. Temporibus pristinis incolae cum nobilibus hic conveniebant, postea secuti sunt artifices et divites et potentes et plebeii et omnes, qui sincera magni aestimant.
Hic hospites collocuntur, disserunt, rident, chartis ludunt. Nemo paupertatis, originis, religionis, habitus causa illuditur.
Piscatio
Prope cauponam piscatio lacus Tegerinsevensis est. Prima luce piscatores naves medium in lacum navigant, ut salmones lacustres et alios pisces, qui in lacu natant, capiant. In taberna pisces aut fumo siccantur aut statim venduntur. Etiam nonnullae mensae hospites ad cenam invitant.
Caseficatio Kreuth
Optima cibaria in patria confecta numquam tam diligebantur quam hoc tempore. Hoc monstrat imprimis caseficatio terrae Tegerinsevensis, quae varia genera delicata casei et alios cibos peculiares e lacte recenti vaccarum patriarum conficit.
Hic, mediis in montibus situs, hospitibus licet in producendo spectare. Multum de arte casei conficiendi comperiunt.
Qui tum fame laborat, in parva taberna aut in horto cibis iucundo sapore frui et postea secum domum ferre potest.
